आ. संग्राम जगताप यांच्या नावाने कोणीतरी अज्ञात व्यक्तीने फेसबुकवर बनावट अकाउंट उघडून त्याद्वारे अनेकांना फ्रेंड रिक्वेस्ट पाठविल्या आहेत. सदर प्रकार निदर्शनास आल्यानंतर त्यांच्या कार्यालयाकडून सदरचे अकाउंट हे बनावट असल्याचे सांगण्यात आले. याबाबत पोलिसांच्या सायबर शाखेकडे तक्रार करण्यात आली आहे. त्यात म्हटले आहे की, दि.५ ऑगस्ट रोजी सकाळी १० वाजण्याच्या सुमारास संग्राम जगताप यांच्या नावाने फेसबुकवर कोणीतरी अज्ञात इसमाने जाणिवपूर्वक जगताप यांचा फोटो लावून बनावट अकाउंट चालू केले असून, ते अकाउंट कोणीतरी वापरत आहे. त्या अकाउंट वरील समाजातील विविध व्यक्तींना फ्रेंड रिक्वेस्ट पाठविली जात आहे.
सदरची अज्ञात व्यक्ती माझे नाव, माझे पद व माझी समाजातील असलेली प्रतिष्ठा याचा गैरवापर करून काहीतरी चुकीचे घडवून आणू शकते, त्यामुळे सदरचे बनावट अकाउंट हे तत्काळ बंद करून संबंधित अज्ञात व्यक्ती कोण? याबाबत पोलिसांनी सखोल चौकशी करून संबंधितावर कारवाई करण्याची मागणी करण्यात आली आहे.
या बनावट फेसबुक अकाउंटद्वारे कोणाचीही कशाही प्रकारची फसवणूक होऊ नये यासाठी ही तक्रार करण्यात आली असून, नागरिकांनीही आ. जगताप यांच्या फेसबुक अकाउंटबाबत खात्री करताना जेथे निळी टिक (ब्ल्यू व्हेरिफाईड) आहे, तेच अधिकृत अकाउंट असल्याचे समजावे, असे आवाहन आ. जगताप यांच्या कार्यालयाकडून करण्यात आले आहे.
Post a Comment